| Main » Articles » Muxtelif me'lumatlar » KİŞİLƏRƏ İNANIN |
KİŞİLƏRƏ İNANIN
 KİŞİLƏRƏ İNANINƏslində çoxdan yazıb, ürəyimi boşaltmaq istəyirdim. Amma fikirləşirdim ki, başa düşülməz və ya düzgün anlaşılmaz. Bu səbəbdən də bu yazını təxirə salır, məqamını gözləyirdim. Allah bu mövzunu açanlardan razı olsun ki, şəraiti yetişdirdi ki, mövzu açılsın. Xanım çox aktual mövzulara toxunub və özü də bilmədən öz əleyhinə bəzi məsələlərə toxunub. Xanım öz məsələlərini elə dəqiqliklə açıb ki, inanın ki, heç kəs xanımların son zamanlardakı ümumi problemlərini belə dəqiqliklə aça bilməzdi (mənə görə). Təbii ki, söhbət ilk öncə maska taxıb ailə quran tezliklə maskasından məhrum olan kişilərdən getmir. Bu cür insanlar virus kimidirlər, kimə qismət olacaqları bəlli deyil. Onlardan ümumən ümmət əziyyət çəkir. Amma bu məsələ tək onlardan olan şikayətlər deyil. Əgər bir insan, müsəlman bir toplumun məsələsinə görə evə gec gəlir və yorğunluğundan yemək yeməyə belə taqəti olmursa və bunu da xanım "ailənə vaxt ayırmırsan” deyə problemə çevirmirsə, onda sizinlə razıyam. Hətta bəzi kişilər ki, evə gec gəlmək üçün vaxtlarını çayxanalarda (ən yaxşı halda) keçirirsə, bunu da ey xanımlar, özünüzdə axtarın. Axı kişi evə girən kimi bütün problemləri ilk 10 saniyədə eşidirsə, bu yazıq kişi başına haranın daşını töksün?! Məgər evdə başqa mövzu tapmaq bu qədər çətin məsələdir? Məgər "Əyyamı Fatimə (s.ə.)” günlərində Peyğəmbərin (ə): "Qızım, Əlidən onun gücü çatmayacağı bir şeyi istəmə” kəlamına rast gəlməyiblərmi? Axı neçə il bir evdə yaşayan xanım narahat olmalıdır ki, kişi nə üçün vaxtını çayçılarda keçirsin və evə vaxt ayırmasın. Narahat olanda da onu quruculuq müstəvisində deyil, özünəməxsus müstəvidə həll etmək istəyir. Həyat yoldaşının nədən əsəbiləşdiyini, nədən razı qaldığını bilən xanım, bir növ fədakarlıq etməlidir. Onu gülərüzlə qarşılayıb, öz narahatlığını büruzə verməməlidir. Bir gün xanım bunu edəndə, kişi də digər bir fədakarlığı edəcək. Uzağa getməyək: "Muxtarnamə”də hər iki xanım çox gözəl şəkildə təqdim olunub və aqibətləri də dəqiq verilib. İkinci bir məsələni də qeyd etmək istəyirəm ki, əziz xanımlar, bəzən bu çayçılardakı ünsiyyət, futbol , voleybol və s. oynamalar zəruri məsələyə çevrilir. Hər bir mömin xəstə mühitdə gün boyu ğinalarla, fəsadlarla dolu mühitdən çıxıb bir mübarək (Allah qatında möminlər bir-birləri üçün mübarəkdirlər. Ehtimal verdim ki, bu sözə ağız büzənlər olacaq) simalar görüb, tam normal vəziyyətdə evinə getmək istəyir. Məsəl var, deyirlər ki, insan çölün palçığını evinə gətirməz. Axı bir mömünlə ünsiyyət qurmadan gün ərzində olan mənfi enerjidən necə qurtulmaq olar? Bir dəfə işlədiyimiz yerdə bizimlə münasibəti çox yaxşı olan qardaşlardan biri ailə həyatı qurmaq istəyirdi. Xanım da iş yoldaşlarından biri idi. Bir dəfə xanım qəribə sual vermişdi: "Sən də filan uşaqlar olan mühitdənsən? Bəs deyirlər ki, o mühitdən olanlarla ailə qurmayın, onlar ailələrinə vaxt ayırmırlar”(!)Sizcə bu mövzu haradan topluma salınıb? Məgər möminə ailə başçısından şikayət edər (hələ qeybət demirəm)? Yəqin mərasimlərdə Allah zikri yerinə ailə başçıları "zikr edilir”. Dəfələrlə şahidi olmuşam elə adamların məsələləri müzakirə olunub ki, o möminlər ictimai məsələlərin çoxluğundan gecə yarısınadək məşğul olurlar. Əslində xanım fərqli bir pəncərədən baxarsa, Allahın ona əta etdiyi böyük bir nemətini, lütfünü görəcək. Kişi Əlilik edə bilmir, sən Zəhralıq et və ona Allahı zikr etdir. Əgər yəqinliyin varsa ki, yoldaşın Allaha bəndəlik edə bilmir, özünə vəzifə bil və onu Allahın zikrinə əməlinlə dəvət et. Kişi dəyər verdiyi bir adamın - həyat yoldaşının nəyə meyilli olduğunu görsə, ona uyğun özünü aparar. Xanım ixlasla evdə mömünəlik etsə və istəklərini də zahirinə uyğunlaşdırsa, kişi də diqqətli olar. Heç olmasa, evdə özünü dindar kimi aparar. Çünki, heç bir kişi evdə xanımına xoş gəlməyən bir iş etmək istəməz. Əgər bu baş verərsə, bumeranqı xanım özü atıb. Yəni ey xanımlar, sizə qarşı olan diqqətsizlik - sizin davranışınızın bəhrəsidir. Hər bir şəxs sevildiyi yerdə çox olmaq istəyər. Elə bilməyin bu məsələ tək sizi narahat edir. Bir dəfə müəllimimizlə ailə mühiti barəsində şöhbət edirdik, müəllimimiz məsləhət gördü ki, bir-birinizə ailəvi get-gəl edin. Yoldaşlardan biri dilləndi ki, bu ziyarətdən sonra da xanımların başqa bir mərəzi ortaya çıxır. Nə üçün onlarda filan şey var, bizdə yoxdur. Təfsirlərdə gəlib ki, Həzrət Musa (ə) Tuva vadisindəki Allah tərəfindən "nəleyinlərini çıxart” nidası, əslində qəlbindən ailənin problemlərini, məsələlərini çıxart mənasına işarədir. Yəni sənə elə bil məsuliyyət tapşırılacaq ki, evdəkilərin problemlərini buna qatma. Xanım bir növ arxa cəbhədə fədakarlıq göstərən birisi olmalıdır ki, kişinin yarı canı arxada qalmasın. Bu məncə kişinin bütün gün boyu gümrah qalmasına zəmindir. Yersiz sui-zənlər, qısqanclıqlar, nə bilim şübhələr ailənin kökünü qazır. Təcrübəmdən deyə bilərəm ki, mənə nə qədər çox inansalar, mən bir o qədər özümü bu inama layiq aparacam. Yənı dəlinin yadına daş salmaq lazım deyil. Xanım var ev qurar, xanım var ev yıxar. Kimsə bunu evdəki sistemsizliyə və ya bu kimi şeylərin üstünə atarsa, ciddi səhv edir. Evdə yazılmayan qanunlar, yəni Allahın insanda qoyduğu fitri duyğular hakim olmalıdır. Hər kəs qarşısındakının onun bir parçası olduğunu düşünməlidir. Hidrogen və oksigen birləşəndə onlardan heç nə qalmır əvəzində həyat mənbəyi olan su yaranır. Ailə də bu cür olmalıdır. Əbdüləli Qənbər İmam Sadiq (ə) adına İslam Maarifi Akademiyası «Dəyərlər» Jurnalistika Məktəbinin məzunu deyerler | |
| Views: 1314 | Comments: 1 | Rating: 0.0/0 |
| Total comments: 1 | ||||||
"Müqəddəs Məryəm"
Günün rəsmi
Azərbaycan mətbəxti
Analar bilməli
Valideynlər bilməli
Qadın hüququ
" Dost saytlar"
Saytin satatistikasi
Şərhlər: 675 Forum: 55/94 Rəsmlərimiz: 856 Qadınlara məsləhət: 408 Əsas səhifə: 23 İslam Qadını: 314 Muxtəlif məsələlər: 907 Sizin elanlar: 1 Qonaqlarımız: 110 Statistika
Gelenlerin sayi: 1 Qonaq: 1 Istifadeci: 0 Istifadçi şərhi
Salam bes 3 ve 4 ruketde hemd ve ixlas deyilmir? Salam xanım bilmek isterdim ki dırnağın azca uzun olması NAMAZI batil edirmi ? Salam men bura yeni uzv olmusam.men namaz qilmag isteyirem ama tam deqiqliyiyle oyrenib sira bawlamax isteyirem duzdu bu yoxsa ele bildiyimnen bawlayib yavaw yavaw oyrenim namazda rukət yazılır məsələn 2 ruket 3 rükət sad o ne demekdir,  Salam Aleykum . Bu Viedodada Gorunduyu Kimi Oglanlarcindi elemi? Bu Videolarda Namazda Salam Verdikde Ciyinlere Baxilmir Xais Komek edin Bele Edim Mende . Estağfurullah Men Bilmirem Ama Esitdiyime Gore Ele Olur .Indiden Tesekkurler
Copyright MyCorp © 2024
| ||||||
