KubraZ | Date: Çərşənbə axşamı, 2013-05-28, 11:33 AM | Message # 1 |
Sergeant
Group: Istifadeci
Messages: 25
Status: Burda deyilem
| Allah gözəldir və gözəlliyi sevir Quran: «De: Allahın öz bəndələri üçün yaratdığı zinəti və təmiz ruziləri kim haram buyurmuşdur? De: Bunlar, dünyada iman gətirən üçündür, Qiyamət günündə isə yalnız möminlərə məxsusdur». (Əraf surəsi, ayə 32) Hədis: Allahın Peyğəmbəri (s.a.v.v.): «Allah-Taala gözəldir və gözəlliyi sevir. Nemətinin nişanəsini bəndəsində görməyi də sevir. O, yoxsulluğa və özünü yoxsul göstərməyə nifrət edir». (Kənzul-ummal, hədis 17166) Allahın Peyğəmbəri (s.a.v.v.): «Allah-Taala möminin öz qardaşlarının yanına səliqəli və bəzənmiş halda getməsini sevir». (Məkarimul-əxlaq, c.1, səh.85, hədis 1) İmam Sadiq (ə): «Gözəl paltar geyin. Çünki Allah gözəldir və gözəlliyi sevir. Amma, gərək halaldan olsun». (Vəsailuş-şiə, c.3, səh.340, hədis 4) Gözəl üz Allahın Peyğəmbəri (s.a.v.v.): «Gözəlliyin bəlası qürurdur». (Biharul-ənvar, c.77, səh.59, hədis 3) Allahın Peyğəmbəri (s.a.v.v.): «Mömin kişiyə verilmiş ən yaxşı şey gözəl əxlaqdır. İnsana verilmiş ən pis şey isə gözəl üzdə pis qəlbin olmasıdır». (Kənzul-ummal, hədis 5170) Allahın Peyğəmbəri (s.a.v.v.): «Xeyir və yaxşılığı üzü gözəl olanlarda axtarın. Çünki,onların etdikləri gözəllikdə daha gözəldir». (Uyuni əxbari Rza (ə), c.2, səh.74, hədis 344) İmam Əli (ə): «Möminin üzünün gözəlliyi Allahın ona olan hüsn-rəğbətindəndir». (Ğurərul-hikəm, hədis 4848) Saça dəyər vermək Allahın Peyğəmbəri (s.a.v.v.): «Gözəl saç ilahi örtükdür. Buna görə də onu qiymətləndirin». (Vəsailuş-şiə, c.1, səh.432, hədis 2) Allahın Peyğəmbəri (s.a.v.v.): «Saçını uzadan ona yaxşı qulluq etməlidir, əks halda onu qısaltsın». (Vəsailuş-şiə, c.1, səh.432, hədis 1) Batini gözəllik Allahın Peyğəmbəri (s.a.v.v.): «Gözəllik dildədir». (Tuhəful-uqul, səh.37) Allahın Peyğəmbəri (s.a.v.v.): «Ağıldan gözəl gözəllik yoxdur». (Nəhcus-səadə, c.1, səh.51) Allahın Peyğəmbəri (s.a.v.v.): «Sağlamlıqdan gözəl paltar yoxdur». (Biharul-ənvar, c.77, səh.381, hədis 5) İmam Əli (ə): «Allah-Taala qadının çöhrəsini (və gözəlliyini) onun üzündə, kişinin çöhrəsini (və gözəlliyini) isə onun dilində qoyub». (Biharul-ənvar, c.71,səh.293, hədis 63) İmam Əskəri (ə): «Üzün gözəlliyi zahirin gözəlliyi, ağlın gözəlliyi isə batinin gözəlliyidir».
|
|
| |