Main » Articles » Nurlu kelamlar » HƏYAT YOLDAŞINA EHTİRAM |
HƏYAT YOLDAŞINA EHTİRAM
298–Allahın Rəsulu (s.ə.v.v.) buyurur: Vay olsun o qadına ki, ərini narahat edib qəzəbləndirə və xoş o qadının halına ki, əri ondan razı ola. 299–Allahın Rəsulu (s.ə.v.v.) buyurur: İki arvadı olan, onların arasında özünü və malını düzgün bölüşdürməyib ədalətlə rəftar etməyən kişi, qiyamət günündə bədəninin yarısı zəncirlənmiş və o biri yarısı da düzəlməyən halda gələcək və cəhənnəmə daxil olacaqdır. 300–İmam Baqir əleyhissalam buyurur: Ailə quran hər bir şəxs öz yoldaşını əzizləyib hörmət etməlidir. 301–İmam Əmirəl-mö`minin Əli əleyhissalam buyurur: Hər bir halda qadınlarla mülayim və güzəştli olun (hətta öz vəzifələrinə əməl etməsələr də). Onlarla mehriban və yaxşı danışın, mümkündür bu yolla onlar da öz vəzifələrini layiqincə yerinə yetirsinlər. 302–Musa ibni Cə`fərdən, o da öz ata-babalarından nəql etmişdir ki, Allahın Rəsulu (s.ə.v.v.) buyurur: Bəndənin Allaha imanı artdıqca qadınlara qarşı məhəbbət və atifəsi də çoxalacaqdır. 303–Allahın Rəsulu (s.ə.v.v.) buyurur: Dünyadan üç şey mənim üçün sevimlidir: qadınlar, xoş iyli ətir, amma gözlərimin nuru namazdadır. (Mə`buda üz tutub Ona ibadət etmək). 304–İmam Əmirəl-mö`minin Əli əleyhissalam buyurur: Ən pis adam (maddi cəhətdən) ailəsinə çətinlik yaradanlardır. | |
Views: 1132 | Rating: 0.0/0 |
Total comments: 0 | |