| Main » Articles » Mizanul – hikmət (2-ci cild) » Dözümlülük |
Dözümlülük
Mizanul-hikmət 114. Dözümlülük 573. Dözümlülük 1739. Allahın Peyğəmbəri (s): «Dözümlü insan peyğəmbərliyə yaxındır». (Biharul-ənvar, c.43, səh.70, hədis 60) 1740. İmam Əli (ə): «Dözümlülük ağlın kamilliyidir».(Ğurərul-hikəm, hədis 1055) 1741. İmam Əli (ə): «Dözümlülük möminin işinin nizama düşməsinin səbəbidir». (Ğurərul-hikəm, hədis 1055) 1742. İmam Əli (ə): «Kişinin gözəlliyi onun dözümlülüyü ilə ölçülür». (Ğurərul-hikəm, hədis 1055) 1743. İmam Əli (ə): «Əgər dözümlü deyilsənsə də, özünü dözümlü kimi göstər. Çünki özünü başqa insanlara bənzədib, sonunda onlardan birinə çevrilməyən çox az adam tapılar». (Nəhcül-bəlağə, hikmət 207) 1744. İmam Əli (ə): «Dözümlü o kəsdir ki, öz qardaşlarına qarşı dözümlü olsun».(Ğurərul-hikəm, hədis 1111) 1745. İmam Rza (ə): «İnsan dözümlü olmayınca, abid olmaz». (əl-Kafi, c.2, səh.111) 574. Dözüm gətirən şeylər 1746. İmam Əli (ə): «Ağlın artması ilə dözümlülük də artar». (Ğurərul-hikəm, hədis4274) 1747. İmam Əli (ə): «Sənə dözümlü olmağı tövsiyə edirəm, çünki o, elmin səmərəsidir». (Ğurərul-hikəm, hədis 6084) 1748. İmam Əli (ə): «Dözümlülüklə vüqar yüksək əzm və iradədən doğulmuş iki əkizdir». (Nəhcül-bəlağə, hikmət 460) 575. Dözümlülüyün səmərələri 1749. İmam Əli (ə): «Dözümlü olan, ağalıq edər». (Biharul-ənvar, c.77, səh.208, hədis 1) 1750. İmam Əli(ə): «Düşməninə qarşı dözüm göstərən, ona qalib gələr». (Kənzul-fəvaid, c.1, səh.319) 1751. İmam Əli (ə): «Dözümlü şəxsin bu xasiyyətindən götürdüyü ilk bəhrə, nadanın müqabilində xalqın onun köməyinə gəlməsidir». (Məanil-əxbar, səh.319, hədis 896) 1752. İmam Əli (ə): «Qəzəbin şiddətli vaxtında dözüm göstərmək, insanı Allahın qəzəbindən amanda saxlar». (Ğurərul-hikəm, hədis 1776) 1753. İmam Sadiq (ə): «Köməklik üçün dözümlülük kifayət edər». (əl-Kafi, c.2, səh.112, hədis 6) 576. Dözümlülüyün izahı 1754. İmam Həsən (ə) (dözümlülüyün mənası haqda sualın cavabında): «Dözümlülük qəzəbi boğmaq və nəfsi saxlamaqdır». (Biharul-ənvar, c.78, səh.102) 577. Qəzəbli olanda dözümlülük 1755. Loğman (ə): «Dözümlü şəxs qəzəbli vaxtından qeyri bir halda tanınmaz».(Biharul-ənvar, c.78, səh.102) 1756. İmam Əli (ə) - ən dözümlü şəxs barədə sualın cavabında: «Qəzəblənməyən kimsədir». (Əmali, Şeyx Səduq, səh.322, hədis 4) 1757. İmam Səccad (ə): «Mənim o insandan xoşum gəlir ki, qəzəbləndiyi vaxtı səbr onu haqlasın». (əl-Kafi, c.2, səh.122, hədis 3) Ayətullah Muhəmməd Muhəmmədi Reyşəhri | |
| Views: 1059 | Rating: 0.0/0 |
| Total comments: 0 | |
