Main » Articles » Nurlu kelamlar » YAXŞI QADININ XÜSUSİYYƏTLƏRİ |
YAXŞI QADININ XÜSUSİYYƏTLƏRİ
311–Allahın Rəsulu (s.ə.v.v.) buyurur: Qadının öz ərinə bir içim su verməsi gündüzləri oruc tutub, gecələri namaz qılmaq üçün oyaq qaldığı bir ilin ibadətindən üstündür. 312–Allah Rəsulu (s.ə.v.v.) buyurur: Qadın özünü (əri üçün) gözəl ətirlərlə ətirləməli, ən gözəl paltarlarını geyib, ən gözəl zinətlərlə bəzəməli və gecə-gündüz özünü onun ixtiyarında qoymalıdır. 313–Əmirəl-mö`minin Əli əleyhissalam buyurur: Qadının cihadı ərinə yaxşı baxmasıdır. 314–Allahın Rəsulu (s.ə.v.v.) buyurur: Allah buyurur: Hər vaxt mö`min üçün dünya və axirət xeyrini bir yerə cəm etmək istəsəm, ona (Allahdan) qorxan qəlb, zikr edən dil, bəlada səbirli olan bədən və mö`minə olan həyat yoldaşı verərəm ki, hər vaxt baxsa onu xoşhal edər, yanında olmayan zaman özünü və malını qoruyar. 315–İmam Sadiq əleyhissalam buyurur: Ərinə əziyyət edib onu kədərləndirən qadın Allah dərgahından qovulmuşdur. Əri ilə nəzakətli olub onu incitməyən, həmişə sözünə qulaq asan qadın isə necə də xoşbəxtdir. 316–Allahın Rəsulu (s.ə.v.v.) buyurur: Əlbəttə, qadınlarınızın ən yaxşısı çox övladlı, qəlbi mehr-məhəbbətlə dolu, örpəkli, iffətli, ərinin qarşısında təvazökar, qohumlarının yanında əziz olanlar, eləcə də bədənini və zinətini ərinin yanında aşkar edib, naməhrəmdən gizlədən, ərinin sözünə canla-başla qulaq asıb əmrlərinə itaət edən, xəlvətdə gözəl libaslar geyib əri üçün bəzənən və özünü onun ixtiyarında qoyan qadınlardır, sadə kişilər kimi özünə baxmayanlar yox. 317–Allahın Rəsulu (s.ə.v.v.) buyurur: Dörd şeyə yiyələnmək müsəlman kişinin xoşbəxtliyindəndir… Ləyaqətli və salehə xanım; Geniş ev; Məqsədə yetişmək üçün sür`ətlə gedən rahat minik; Əxlaqı və əməli düz olan saleh övlad. 318–Allahın Rəsulu (s.ə.v.v.) buyurur: Qadının cihadı əri ilə xoş rəftarıdır. Ərinin onun üzərində olan haqqı bütün xalqın haqqından böyükdür. | |
Views: 1765 | Rating: 0.0/0 |
Total comments: 0 | |